కూకట్పల్లి పోలీస్ స్టేషన్ పరిధిలో ఆదివారం ఉదయం ఘోర రోడ్డు ప్రమాదం చోటుచేసుకుంది. అతివేగంగా వచ్చిన టిప్పర్ లారీ స్కూటీని బలంగా ఢీకొనడంతో ఇద్దరు యువకులు అక్కడికక్కడే మృతి చెందగా, మరో యువకుడు తీవ్రంగా గాయపడ్డాడు.మృతులను మహేష్ (17), లక్ష్మీ తేజ (17)గా గుర్తించారు. వీరు మరో స్నేహితుడితో కలిసి ఆదివారం క్రికెట్ ఆడేందుకు స్కూటీపై వెళ్తుండగా ఈ ప్రమాదం జరిగినట్లు పోలీసులు తెలిపారు.అతివేగంగా వచ్చిన టిప్పర్ లారీ ద్విచక్ర వాహనాన్ని బలంగా ఢీకొనడంతో మహేష్, లక్ష్మీ తేజ అక్కడికక్కడే ప్రాణాలు కోల్పోయారు. మరో యువకుడు తీవ్ర గాయాలతో ఆసుపత్రికి తరలించబడి చికిత్స పొందుతున్నాడు.సమాచారం అందుకున్న కూకట్పల్లి పోలీసులు వెంటనే ఘటనా స్థలానికి చేరుకుని కేసు నమోదు చేసి దర్యాప్తు ప్రారంభించారు. మృతదేహాలను పోస్టుమార్టం నిమిత్తం గాంధీ ఆసుపత్రికి తరలించారు.ప్రమాదానికి కారణమైన టిప్పర్ లారీని పోలీసులు స్వాధీనం చేసుకుని, డ్రైవర్పై చట్టపరమైన చర్యలు చేపడుతున్నట్లు తెలిపారు. ప్రమాదానికి గల పూర్తి కారణాలపై విచారణ కొనసాగుతోంది.
